星期日, 12月 22, 2019

尋回兒時味道之正宗萄式焗豬扒飯


做冬,煮餐勁。

這個正宗萄式焗豬扒飯的沙円醬,笫一個步驟所需準備之材料,整油和麵粉混合漿,很花功夫時間,真有點如日劇〈東京大飯店〉中整食材玩法。~

全程細火,先放牛油,溶後放少少洋蔥炒香,丟棄洋蔥,再落生油微熱後,再下麵粉,離火搗,再回細火,邊煮邊搗,不要停,份量約粉跟油係1:1,若稀就加麵粉,再又搗。要最後煮搗到如圖狀態,便倒起留用,用唔哂,放回雪櫃可留下次。



然後,落牛油,再落炒蒜泥,青椒及洋蔥碎少量,放蕃茄膏,搗落清水,成湯,備月桂葉香料在筲箕,將熱汁創倒落取香味順便隔去所有渣。再取湯汁回鑊,再落雞湯,再放上面那油和麵粉混合漿,攪到有點似稠度,若未有則再落油和麵粉混合漿。再放點橄欖油,便成最重要的沙丹醬。俺私下感覺要落點李派林喼汁,因素來我輩澳門人喜食李派林喼汁,我記憶中有此種味道 (最終似乎沒錯)



早己醃好靓豬扒梅頭,四塊盛惠百二大元,好豬扒真係好貴。醃料簡述 : 白酒,生抽,味淋,糖,黑椒,雞白。開鑊煎,此有人會用油炸,但我記憶中是煎,所以選煎香。切件,置上已炒好的一盤蛋炒飯上面排好,然後淋上沙丹醬,放進焗爐。如此大盤四人份量,家庭焗爐要250度20分鐘。,一般細兜一兩人份可20018分鐘。最重要焗出表面有點焦黑便最合火路了。

成功!正宗馬交葡式焗豬扒飯,尋回兒時的味道。昔年澳門最好是紅門窗門三樂餐廳,用法瑯兜盛焗,香到呢!這正宗味道,那時代的澳門人不會未食過。

沒有芝士和蕃茄的, I hate cheese !哈哈!回認真,正宗馬交葡式焗豬扒飯,真是沒有用芝士和蕃茄的。

何解大費周張去做此味飯,因只有如此投入煮餐才會忘憂,日子雖不好過,但我們依然要有品味生活,千萬不能甘心食一滴香和化學美味這些只是麻醉我們味覺的美味,令味蕾損毀至萬劫不復,沒有落便不算是好味道,那可慘哉!。

冬至是華人大節,如感恩節,但今年是太多香港年青男女人已回不了家食飯,成憾事或終生遺憾!唉!敬各路亡靈一杯酒。



沒有留言: