星期三, 9月 01, 2010

凍番茄

武士開餐

第一次食到凍番茄,是在東京一間旅遊車司機女朋友開的酒吧中。漂亮的日本番茄去掉了表皮,竟然像一個紅紅的桃子,淋上和風沙津醬汁,真是很惹味,送酒或做前菜沙律都一流。回香港拿土產番茄照做,視覺和口感都差了一點,因為日本的是溫室栽種番茄,又大又甜又多汁,但價錢也是相對貴,日本番茄貴很多,高級品盛在果箱中真如一箱岡山水蜜桃,有幸只是沒有水蜜桃的天價。完美地去掉生番茄皮是一門廚房功夫,將生番茄底部以利刀微一個十字,放進開水中漂一下,立即取出放進冰水,利用熱脹冷縮,番茄皮會在十字位爆開,很容易以手沿著撕去,一個滑滑多汁紅番茄赤裸裸展現人前,喜吃者就吞著口水準備啖之,我一味聯想起壽司宴中的「女體盛」。

至於和風沙律醬汁,日本超市一定有現成的。一種比較高級的,有甚麼胡麻、蘿蔔蓉、洋蔥、山葵......風味的,那種更是不錯多元選擇,有時自己再放點芝麻和紫菜絲,風味更佳。但有人喜歡蘸海鹽進食,這是完全另一種口味。

回說東京那間酒吧,就是只有不足十個座位,圍著吧桌,女老闆和一位兼職女生在打點客人食物和酒水,興緻到可在坐中可拿咪大唱卡拉OK,大電視在牆壁上,這類丁方幾百平方公呎酒吧,日本多的是,取個商業登記便可營業,沒有如香港般要搞一大堆甚麼消防處、食環署、酒牌局、屋宇署之申請,那種煩到你死又永遠會做錯的要求和程序,所以香港要經營飲食,只宜大集團。學日本女人晚年退隱,開間酒吧或咖啡店,在香港都是煩擾的投資,切莫懷浪漫理想,愈有理想愈快結束,正如俗語「風吹雞蛋殼,財散人安樂!」春夢一場。

27 則留言:

Julian 說...

1)
好想食!夏天o岩食呢味!
飲酒果度有無得叫黎食?

2)
行過cs,見到入左玉川新嘢做promo。一係用「祝」做酒米的,約$180,二係「玉龍山廢純米大吟釀」,約$450。有無興趣試?

(katana ) 草草一刀 說...

玉川....軟水偏甘口︿飲過。水唔錯但係女酒,不是男酒。

玉龍是同一系嗎,480似乎貴,唔好胡買住,阿cf手上駐重貨,散甘部份先。

CF 說...

係呀, 起碼3-4次品酒會先清得晒. 另外應你要求問左Japanaji Calvin, 佢想去但未知得唔得, 等佢覆. Thanks.

Julian 說...

咁唔買住喇。玉龍都係同一系的。

(katana ) 草草一刀 說...

911, 18:00-21:00
...訂了十位
J:1, V:2,CF:2/3,R:2,K:1 (?),
KC :1(?), 千影: 1 (?)

(katana ) 草草一刀 說...

千影 : 妳想來屠酒會嗎 ? 請回應

CF 說...

Japanaji Calvin 唔得

Julian 說...

想帶位新朋友來,初學飲清酒,先問問有無剩位?齊腳就遲下都無所謂

CF 說...

我total都有4件, 我同Peter, 另兩個係參加開文化協會酒宴嘅人仕, 好有興趣join我地飲下協會外的酒. 另有可能多一件tim, 網友, 對品日本酒好有見解, 不過未confirm. 希無問題?
如果多過十人我唔攞北之譽, 換支一升出羽櫻 愛山, 香港賣差唔多成千, 我原價日本hand carry 只五舊, 10-12人, 每人330-400ml, 夠晒.

(katana ) 草草一刀 說...

CF: 4 (2舊人+ 2-3飲者)
J: 2 (酒人+ 初心者)
V: 2 (前加氏百大姐伉儷)
俺: 2 (兩劍客)
kc: 1 (專業飲食blog 主)

cf: 請看陣容。
別忘記俺那 月 可stand by.
出羽櫻 愛山 ,你會否好多野要拎,會太重嗎? 由你決定, :)

(katana ) 草草一刀 說...

另外,歡迎什至鼓勵各路飲者自攜隨身私家清酒杯,增加氣氛。
武士劍不離手,飲者杯不離身 !

CF 說...

嘩!! KC 會來嗎?
厲害!!
聞名不如見面!!

千影 說...

不好意思遲了回應
那天有要事出席不了...
看來還得下次
抱歉

(katana ) 草草一刀 說...

沒有問題,十月份會搞的,係 妙花蘭曲 之夜

CF 說...

妙花蘭曲之夜, 要搭一些平價一升純米/本釀造, 否則over budget....haha.

(katana ) 草草一刀 說...

妙花蘭曲 之夜

有新地方,日本野法洋風設計,但要談談,屠酒會上商討吧....:)

(katana ) 草草一刀 說...

cf: 現似乎係十一人

CF 說...

希望有新地方很久了, KC可能有介紹.
對, 11人. 每人剛好兩合.

(katana ) 草草一刀 說...

cf: 問題也是老問題,暈。無奈。

11日, 11人,ocean eleven.....妙

CF 說...

為911的遇害者敬上一杯,再為波瀨先生飲杯。

Julian 說...

再一次對不起....初心朋友突然來不了,原來有朋友生日。似乎我與「單槍匹馬」四字分開不了!ocean eleven不成,就ocean ten吧...

KC兄會來!小粉絲如我者很緊張!久仰了!(其實當初未相識時,Ric兄也是其中中位久仰大名的人物,哈)

好奇一下,不知新場是否中環Z字頭的?

Julian 說...

另外,想將天巧及真澄金壽一併帶上去,飲不了就留下,待下次酒會。好嗎?

CF 說...

Winning 11 still there. 我說的網友, 對品日本酒好有見解那位都會來.

Julian, 又帶兩支?我怕老地方放不下呢. 我會帶你訂果支月俾你, 請帶袋.

CF 說...

Julian,

金壽是山廢來的, 不如留待11月/12月, 真澄山廢 vs Daishichi生酛 vs 黑龍!!

老師, 剛剛先知道我說的那網友是SSI的唎酒師.....今次酒會:
文化人+唎酒師+劍客+食家+二打六....你有好文章要寫了~~

(katana ) 草草一刀 說...

依然十一羅漢,yes !

重複,大家攜私家 杯 呀!

預左一人一條大路季節野 燒香魚,但莫期待過高,嘻嘻.另有好酒便當然有 鮪 刺身。

julian: bring 1支, ok? 太平山天巧,久聞此 秋田 酒 其名,有少少沖動。
不是z,是在cwb,新開的叫 千秋。查問中/

cf: 嘩,今番真係拍 ocean 11甘格,席間研究下如何做大買賣先,haha

Julian 說...

千秋就不是我客人啦...
天巧,無問題!真澄山廢留返都無問題!
ocean 11,好興奮呢!

(katana ) 草草一刀 說...

各位唔好自攜杯啦,太煩擾了,拎來拎去。